Декларативно младите се високо на агендата на сите политички субјекти во Република Северна Македонија. Но, што тоа всушност значи? Колку се тие вистински предизвик за политичките партии и институциите? Колку и какви ветувања се правени за нив и во нивно име од страна на политичките партии? Знаат ли младите да ги протолкуваат и препознаат ветувањата и мерките?

Овие прашања беа водилка на нашата анализа, во која се обидовме да ги изброиме и класификуваме мерките за младите луѓе кои беа дадени во 2020 година од страна на политичките партии кои учествуваа на парламентарните избори, притоа водејќи се од 11-те индикатори за младински политики на Европскиот младински форум.

На анализата работеа Националниот младински совет на Македонија заедно со LEAD – Лидери за едудкација, активизам и развој, а истата опфати 11 политички субјекти, и тоа: Демократска партија на Албанците, Демократи, СДСМ (и партиите во коалицијата „Можеме”), Левица, Алијанса за Албанците и Алтернатива, Глас за Македонија, Граѓанско демократска унија, Интегра, Демократска унија за интеграција, ВМРО-ДПМНЕ (и партиите во коалиција) и Твоја партија.

Анализата на мерките за млади на програмите на политичките партии од парламентарните избори во 2020 е достапна на следниот линк.