Националниот младински совет на Македонија објавува повик за ангажирање на eксперт за изработка на прирачници за функционирање на Националното собрание на млади и Националното советодавно тело за младински политики согласно Законот за младинско учество и младински политики за потребите на проектот „Функционални механизми за активно младинско учество на национално ниво“.  Главната цел на проектот е да се зајакне учеството на младите во процесите на носење одлуки на национално ниво преку воспоставување на механизмите во скогласност со Законот за младинско учество и младински политики. Проектот е поддржан со грант Национална интервенција на регионалниот проект „СМАРТ Балкан – Граѓанско општество за поврзан Западен Балкан“ имплементиран од Centar za promociju civilnog društva (CPCD), Центар за истражување и креирање политики (ЦИКП) и Институт за демократија и медијација (ИДМ) , а финансиски поддржан од Министерството за надворешни работи на Кралството Норвешка.

Експертот ќе биде ангажиран за 9 работни дена во период од 2 месеци (април 2025 – мај 2025 година). На повикот имаат право да се пријават сите сите заинтересирани физички и правни лица.

Се очекува експертот да ги исполни следните задачи:

• Да спроведе анализа и истражување на добри практики од регионот за функционирање на механизми за младинско учество на национално ниво и анализа на документи и закони кои го дефинираат функционирањето на механизми за младинско учество на национално ниво;
• Да изработи прирачници за функционирање на Националното собрание на млади и Националното советодавно тело за младински политики;
• Да реализира консултативна средба со формите на младинско организирање за подготвените прирачници;
• Подготовка на извештај за реализацијата на задачите.

Начин на аплицирање

Сите заинтересирани правни или физички лица потребно е да достават документи до 09.04.2025 година, на [email protected], со наслов „Апликација за експер – SB – назив/име и презиме”. Во апликацијата потребно е да се содржани следните документи:

• Биографија на апликантот;
• Предлог методологија за реализација ангажманот (Анекс 1);
• Финансиска понуда (Анекс 2);
• Изјава за ексклузивност и достапност (Анекс 3);
• Изјава за непостоење на услови за исклучување на добавувач за извршување на услуги за проектот (Анекс 4, доколку аплицира правно лице).

Повеќе детали за
условите и начинот на пријавување можете да најдете во документот „Услови за работа“.

Целосниот повик е достапен на следниот линк.