Këshilli Rinor Nacional i Maqedonisë informon të rinjtë se po tërhiqet nga partneriteti me Qytetin e Shkupit për kandidaturën e Qytetit të Shkupit për Kryeqytetin Rinor Evropian në vitin 2027.

Ne arritëm në këtë vendim pas disa përpjekjeve për të kontaktuar me përfaqësuesit e qytetit, të cilët duhet së bashku të paraqesin kandidaturën e qytetit në Jurinë për Kryeqytetin Rinor Evropian, dhe kërkesave të panumërta për një takim koordinues për prezantimin.

Dështimi për të kontaktuar dhe për të krijuar një partneritet të qëndrueshëm na tregoi vetëm se qyteti nuk është i angazhuar në mënyrë thelbësore për të rinjtë dhe kandidimi për këtë titull nuk është i motivuar nga nevoja reale për t’i vendosur të rinjtë në krye të listës së prioriteteve. Ky përfundim na konfirmohet më tej nga fakti se qyteti nuk ka treguar angazhim të mjaftueshëm për të kapërcyer pengesat për krijimin e një këshilli rinor lokal, miratimin e një strategjie lokale rinore, as hapjen e një qendre rinore, pjesë e mekanizmave që bazohen gjithashtu në kandidaturën për Kryeqytetin Rinor Evropian 2027.

Angazhimi kryesor i Këshillit Rinor Nacional të Maqedonisë është të avokojë për përfshirjen thelbësore të të rinjve, të motivuar nga kjo, u angazhuam në këtë proces së bashku me organizatat tona anëtare dhe partnerët nga organizatat e nxënësve dhe shkollave të mesme dhe organizatat studentore. Për fat të keq, muajt e fundit na kanë treguar se përfaqësuesit e qytetit njohin vetëm përfshirjen simbolike të të rinjve në procese, duke përfshirë kandidaturën e qytetit të Shkupit për Kryeqytetin Rinor Evropian në vitin 2027.

U bëjmë thirrje përfaqësuesve të institucioneve lokale dhe kombëtare që të investojnë në mënyrë aktive në sigurimin e kushteve për pjesëmarrjen thelbësore të të rinjve dhe së bashku me të rinjtë të krijojnë programe dhe politika që u përgjigjen nevojave të tyre reale dhe në procese të tilla ne jemi plotësisht në dispozicion të tyre.

Përveç këtij rezultati, Këshilli Rinor Nacional do të vazhdojë të kërkojë mbështetje dhe të bëjë përpjekje për ta bërë realitet vizionin që kemi për Shkupin, të mbështesë në mënyrë aktive të rinjtë dhe të avokojë para institucioneve për politika që adresojnë prioritetet e tyre dhe sigurojnë një standard dhe cilësi jetese më të mirë për të rinjtë.

Me respekt,

Këshilli Rinor Nacional i Maqedonisë