Projekti “Sipërmarrja Sociale për Punësimin e të Rinjve” do të përpiqet të ofrojë mundësi për ngritjen e kapaciteteve për të rinjtë e papunë, duke i udhëhequr në të njëjtën kohë përmes një procesi të vetëzhvillimit dhe rritjes në fushën e sipërmarrjes sociale si një mënyrë moderne e vetëpunësimit. Projekti synon të krijojë një mjedis të favorshëm për sipërmarrjen sociale të të rinjve, i cili do të reduktonte papunësinë tek të rinjtë; do të forcojë kompetencat dhe kapacitetet e të rinjve të rrezikuar; do të promovojë sipërmarrjen sociale të udhëhequr nga të rinjtë; do të përfshijë të rinjtë në ndërmarrjet sociale si dhe do të sigurojë hapësirë për mbledhjen e mjeteve për zbatimin e ideve të reja për ndërmarrjet sociale. Projekti synon të rrisë aftësitë e të rinjve të papunë nga kategoritë e rrezikuara duke ndikuar në fuqinë e tyre ekonomike, të rrisë interesin e të rinjve për sipërmarrjen sociale përmes krijimit mundësi të ndryshme në këtë fushë, mbështetje më të madhe online dhe offline logjistike dhe teknike për ndërmarrjet sociale që do kontribuojë në rritjen e zhvillimit socio-ekonomik të ndërmarrjeve dhe punonjësve të tyre, rritjen e mënyrave alternative të financimit të ndërmarrjeve sociale që do të rezultonte në rritjen e numrit të ndërmarrjeve sociale, rritjen e numrit të dokumenteve strategjike kombëtare që parashikojnë masa dhe aktivitete për sipërmarrësit e rinj socialë.

Për thirrjen:

Qëllimi i mbështetjes financiare është ngritja e cilësisë së të rinjve në Republikën e Maqedonisë së Veriut përmes aktivizimit të tyre në shërbime sociale gjithëpërfshirëse, zhvillimit të teknologjive inovative për përfshirjen e të rinjve nga kategoritë e rrezikuara dhe  të inkurajojë fuqizimin ekonomik të ndërmarrjeve sociale të udhëhequra nga të rinjtë.

Rezultatet e pritshme nga mbështetja financiare janë:

• Ulja e shkallës së papunësisë së të rinjve;
• Rritja e numrit të ofruesve të shërbimeve sociale gjithëpërfshirëse të udhëhequr nga të rinjtë;
• Rritja e lëvizshmërisë së kategorive të rrezikuara të të rinjve në tregun e punës;
• Forcimi i kapaciteteve të punonjësve në ndërmarrjet sociale.

Temat prioritare të thirrjes:

Aktivitetet që do të propozohen duhet të jenë në përputhje me qëllimet dhe prioritetet e këtij projekti, me qëllimet e programit Instrument for Pre-accession Assistance for Rural Developmentc dhe misionin e organizatës zbatuese.

Parashihet të ofrojë mbështetje financiare për aplikacionet që do të fokusohen në një nga dy fushat e mëposhtme:

• Fusha 1: krijimi i ndërmarrjeve të reja sociale rinore;
• Fusha 2: zhvillimi i teknologjive inovative dhe përmirësimi i shërbimeve të sipërmarrjeve sociale ekzistuese që ndihmojnë përfshirjen dhe punësimin e të rinjve romë, të rinjve pa kujdes prindëror, të rinjve me aftësi të kufizuara, vajzave të reja, të rinjve- të shëruar vartës të lëndëve narkotike.

Mjete: