Центар за интеркултурен дијалог - Куманово

ЦИД работи на промоција на интеркултурно прифаќање и активно граѓанство преку процеси за градење на капацитети, едукација и младинска работа. Нивната мисија е да обезбедат одржлив развој на заедницата преку создавање на можности за квалитетно вмрежување на граѓанското општество, унапредување на можностите за учење и активно вклучување на младите луѓе и другите граѓани. Оваа организација работи на локално, национално, регионално и интернационално ниво. Тие раководат и со целосно опремен и функционален младински центар во Куманово а нудат и помош на локалните волонтери во развој и реализација на нивните идеи за проекти.

ЛГБТИ Центар за поддршка

Визијата на ЛГБТИ центарот за поддршка е општество ослободено од дискриминација, во кое сите луѓе ги уживаат универзалините човекови права и слободи без разлика на нивната сексуална ориентација, родов идентитет или која било друга карактеристика. Мисијата е зајакнување на ЛГБТИ заедницата за самозастапување, како и менување на правниот и социјалниот статус на ЛГБТИ луѓето во државата. Областите во кои делуваат се поддршка на ЛГБТИ луѓето, зацврстување на ЛГБТИ заедницата, искоренување на стереотипите и предрасудите во нашето општество, менување на социјалниот и правниот статус на ЛГБТИ луѓето во Македонија, зголемување на видливоста на ЛГБТИ заедницата.

Млади Европски Федералисти Македонија (ЏЕФ Македонија)

ЏЕФ Македонија се националната подружница на ЏЕФ Европа, мрежа од организации кои се залагаат за федерализација. Нивни области на делување се добро владеење, образование, наука и истражување, регионална политика и територијална соработка, човекови права и заштита на малцинства.  Според последната посета, тие планираат да се затворат во скоро време, а немаат никакви тековни активности или проекти.

Аква Струга

Мисијата на АКВА е да придонесе кон локалниот развој, локалната демократија и граѓанскиот активизам во регионот на Струга, Охрид и Вевчани. АКВА ја зајакнува улогата на граѓанскиот сектор во локалниот развој и областите добро владеење и донесување одлуки, го поддржува и јакне младинскиот активизам во локалната заедница, го зголемува учеството во процесите на европска интеграција на локално и национално ниво.  Програми: добро владеење, млади и соживот, ЕУ интеграции, мониторинг и истражување, граѓански активизам, иницијативи во заедницата, застапување и лобирање.

Реактор - истражување во акција

Земајќи го предвид недостатокот на расположливи податоци во процесите на креирање политики на национално ниво, една од главните стратешки цели на Реактор е обезбедување на релевантни, навремени и темелно истражени податоци со цел информирање за политичкиот процес во нивните целни области. Главниот метод што Реактор го користи во истражувачките активности е комбинација на квалитативни и квантитативни методи прилагодени за потребите на истражувачките прашања и теми. Најчести области на истражување се родова еднаквост, млади и урбан развој.

Организација на жени - Свети Николе

Организацијата на жени на Свети Николе има цел подобрување на состојба најпрвин на жената, но и на децата и младите. Функционираат на принцип на женски активизам во руралните средини со цел полесно допирање до целните групи, нудат бесплатна правна и психосоцијална помош на жените жртви на семејно насилство, правно советување, составување на писмени поднесоци, информирање за домашните и меѓународните механизми за заштита на правата на жените, бесплатно застапување. Области во кои работат се интеграција, економско зајакнување, информирање, едукација, вмрежување.

Фондација за развој на локалната заедница - ФРЛЗ Штип

Фондацијата за развој на локалната заедница – Штип е прва фондација за заедницата во Република Македонија. Она кон што тие се стремат е засилена демократизација на Република Северна Македонија и развој на консолидација на граѓанско општество, зајакнато учество на младите луѓе во општеството, подобрен локален економски развој, подобрување на локалните политики и засилување на децентрализацијата, преку активно учество на граѓаните. Дополнително, тие нудат правна, финансиска и техничка поддршка на граѓански организации.

Инкузива - Куманово

Во рамки на оваа организација функционираат две инфо точки лоцирани во Скопје и Кочани кои служат како поддршка за лицата со попреченост во остварување на нивните права во следниве области: образование, вработување, социјална помош, здравствена заштита, заштита од дискриминација и граѓанска вклученост. Визијата на оваа организација е општество во кое се почитува различноста на секој граѓанин, а мисијата е создавање на услови за инклузивно општество преку активности и проекти со кои ќе се влијае лицата со попречености и другите ранливи категории да имаат еднакви можности за остварување и почитување на нивните човекови права.

Здружение за мултикултурна интеграција ИНКЛУЗИЈА

Здружението за мултикултурна интеграција Инклузија е формирано за промоција на човековите права, интеграција, социјално вклучување кај етничките заедници и општество без дискриминација и нееднаквост. Нивните вредности се недискриминација, европска интеграција, социјална вклученост, активизам против говор на омраза, неформална едукација, развој, поддршка, мултикултурализам, граѓански активизам и развој на заедницата. Областите во кои тие делуваат се вработување, демократија, деца, млади и студенти, добро владеење, меѓуетнички односи, миграција, развој на граѓанско општество, толеранција, човекови права.

Џуниор Ачивмент Македонија

Џуниор Ачивмент Македонија е основана на 30 октомври 2017 година, како една од 123 членови на JuniorAchievementWorldwide која ги поттикнува и помага младите за идните работни места и е дел од регионалниот оперативен центар на JA Worldwide во Европа – JA Europe. Главната дејност на организацијата е спроведување на програми за претприемничко образование, финансиска писменост и подготвеност за работа на средношколци. Во центарот на дејноста се наоѓа програмата за Ученички компании, која ги поттикнува средношколците да работат на развивање на бизнис идеја за време на учебната година и на практичен начин да се здобијат со знаења, вештини и компетенции како што се креативност, самодоверба, преземање иницијатива…

Младински културен центар - Битола

Визија на МКЦ Битола е развиено демократско општество во кое младите се носители на прогресот. Мисија е обединување и развој на креативните потенцијали на младите и поттикнување на граѓанскиот активизам. Нивни долгорочни цели се развој на волонтерството и неформалната едукација, развој на демократското и граѓанското општество, развој на урбаната култура и продукција, додека пак краткорочните цело се одржлив развој на Волонтерски центар на Македонија, подобрување и јакнење на вештините кај младите, поддршка и поттикнување на граѓанските иницијативи и кампањи, поддршка и афирмација на урбаната култура.

Фондација Метаморфозис - Скопје

Фондацијата Метаморфозис е организација која делува на национално и интернационално ниво. Нивниот тим е составен од активисти посветени на деморатијата. Нивната визија е општество во кое ангажираните и свесни граѓани активно се служат со иновативни алатки за остварување на своите граѓански права и одговорности, општество во кое тие се претпазливи во однос на влијанието и барањето одговорност од властите, притоа обезбедувајќи демократско, одговорно и подготвено владеење. Во склоп на Метаморфозис функционираат следниве програми: медиуми за демократија, општествена одговорност, едукација за иновации, човекови права на интернет.

Регионален центар за одржлив развој (РЦОР) - Гевгелија

Здружението РЦОР е формирано во септември 2006 година како резултат од трансформацијата на Центар за поддршка на НВО Гевгелија (отворена канцеларија од страна на ФООМ и ЕАР) како самостоен субјект. РЦОР информира, едуцира, поттикнува, развива и поддржува иницијативи и активности кои придонесуваат за развивање на граѓанскиот сектор, унапредување на демократските процеси и добро владеење на локалната власт, промовирање и почитување на европските вредности. Области на делување на РЦОР Гевгелија се добро владеење, децентрализација, миграции, култура, деца, младинци и студенти, стари лица, лица со посебни потреби, вработување, животна средина и природни ресурси.

Еко Живот

Здружението за заштита и унапредување на животната средина Еко-Живот Кавадарци е основано во 2010 година со цел заштита и унапредување на животната средина, подигнување на еколошката свест и вклученост на граѓаните, особено младите луѓе, спроведување на еколошки акции и проекти. Дел се од еколошката платформа „Зелена Македонија“, со активно учество, која има за цел неутрализирање на еколошките жешки точки. Имаат учествувано во 20 Еразмус+ проекти, повеќе локални и регрантирани европски проекти. Еко-Живот има голем број на активни членови и волонтери кои се од разновидни професии како екологисти, биолози, правник, експерти за пишување и спроведување на проекти и т.н.

Центар за развој на заедницата (ЦРЗ) Светла Иднина - Кочани

Мисија на организацијата е организација чија работа е насочена кон одржлив развој на ромската заедница преку јакнење на капацитетите на заедницата и промовирање на мерки за масовно вклучување во процесот на донесување на одлуки и креирање на јавни политики. Визија на организацијата е самостојна и стручно-компетентна организација која преку применливи идеи и акции во заедницата овозможува платформа за толерантно и мултиетничко општество, социјална вклученост, родова еднаквост и поддршка на маргинализираните групи во заедницата. Области во кои делува се добро владеење, развој на граѓанското општество, меѓуетнички односи, вработување, образование, наука и истражување, здравје и здравствена заштита.

Здружение за социјални иновации - АРНО

Нивните напори се насочени кон дизајнирање и имплементирање на нови простапи за решавање на општествените предизвици. Според нив клучот на иднината е одржливиот развој, па затоа тие размислуваат за сите работи што ги прават и како влијание имаат истите врз економијата, општеството и животната средина. Застапуваат за етика, општествена одговорност и филантропија во бизнисите. Тие се препознатливи по натпреварот Зелени идеи кој го организираат секоја година. Областите кои ги опфаќаат преку својата работа се филантропија, стручно образование, социјално претприемништво, социјални иновации, родова еднаквост, одржлив развој, образование, млади, зелена економија.

ЛЕАД

LEAD е граѓанска организација основана од 10 индивидуи со позадина од граѓанскиот, приватниот, јавниот сектор и образованието. Организацијата тежнее да постигне состојба во која младите во партнерство со возрасните активно учествуваат во општествените процеси, преземаат лична одговорност за моменталната состојба и преку континуиран личен развој придонесуваат за подобро општество. Работата на LEAD се темели на креирање на едукативни програми кои поттикнуваат личен развој, институционално јакнење и одржливост. Нивната експертиза е креирање на едукациски програми и искуства, личен развој кај млади и лица што работат со млади, вештини за вработување, институционално јакнење на организации и компании.

Младински Сојуз - Крушево

Младински Сојуз – Крушево е организација за млади која се фокусира на лица од 15 до 35 години. Нивната визија е активно вклучување на младите луѓе во сите пори на општествениот живот и нивно влијание врз донесувањето на одлуки на локално, национално и регионално ниво. Нивната мисија е младинска организација која поттикнува динамично општество со активно организирање, ангажирање и учество на младите луѓе, охрабрува младинска поддршка на ЕУ интеграцијата на Југоисточна Европа, ги промовира современите европски вредности како и поддржува нови начини на изразување на ставовите на младите луѓе.

Квир Центар Скопје

Организација која верува дека за да заедницата на сексуалните и родови малцинства во Северна Македонија живее слободно, безбедно и автентично, развојот и градењето на заедницата е од суштинско значење за искористување на средствата на заедницата и ангажирањето со заедницата. Уште еден од стратешките области на работа на Субверзивен фронт е да помогне во развојот на заедницата на сексуалните и родовите малцинства, индивидуално и колективно, за да се осигура дека тие се во првите редови на сите наши активности. Тие спроведуват обуки, работилници за личен развој,, социјални и спортски настани и едукативни кампањи со заедницата во Северна Македонија.

Сфера Интернационал

Здружение за одржлив развој СФЕРА ИНТЕРНЕШНАЛ – Битола e здружение на млади и заради остварување на дејности и активности со кои ќе се подобри информираноста на граѓаните за заштита на животната средина и здрав живот преку нивно директно учество во активностите. Визијата на СФЕРА е чиста, еколошка животна средина во Република Северна Македонија и искористување на алтернативните извори за енергија. СФЕРА преку неформално образование поттикнува практикување на здрав живот, грижа за животната средина, активно учество на младите во РСМ и волонтерство.

ХЕРА

ХЕРА е организација која активно работи во полето на репродуктивна слобода, контрацепција, здравје на Роми, социјално претприемништво, здравје во криза, сексуалност и попреченост, сеопфатно сексуално образование, ХИВ, родова рамноправност, поддршка на ЛГБТИ и поддршка на млади. Воедно, во склоп на организацијата функционира социјалното претпријатие Нега+, но и неколку сервиси: Мобилна гинеколошка амбуланта, Младински центри „Сакам да знам“ на Водно и во Шуто Оризари, доверливо советување и тестирање за ХИВ и Прв семеен центар.

Мултикултура

Сумнал

Сумнал организира и изведува различни образовни и општествени активности, како и активности кои го градат карактерот во врска со материјалот кој се учи во редовните училишта и наставните планови подготвени од Министерството за образование и наука. За само неколку години услугите кои ги обезбедува Сумнал драстично се зголемија, иако организацијата остана верна на првичната мисија и цели. Преку соработка со заедницата, соработка со Советот на родители и воспоставување блиски односи со локалните училишта, Сумнал е во можност да ги идентификува и да започне да излегува во пресрет на дополнителните потреби на заедницата. Области во кои Сумнал делува: развој на граѓанското општество, меѓуетнички односи, толеранција, култура, деца, младинци и студенти, стари лица, здравје и здравствена заштита, информации, комуникација и медиуми.

МОДОМ

ДОМ ќе се залага за следниве политики кои се однесуваат на младите: намалување на невработеност меѓу младите, подобрување на нивниот социјален статус и спречување одлив на млади стручни луѓе во странство, поголема застапеност на младите во политиката, особено во областите каде тие се засегнати и нивна директна вклученост во донесувањето одлуки, подигање на квалитетот на образованието и на студентскиот стандард, борба против девијантните и криминогените појави меѓу младите, зголемување на довербата меѓу етничките заедници и вклучување на маргинализираните групи во современите текови на животот и општеството, отворени граници, зголемена мобилност и слободен проток на луѓе итн.

ЛИДЕМ - Либерално-демократска младина

ЛИДЕМ се подмладок на Либералната партија во Македонија. Како подмладок, тие се залагаат за промена на: корупција во образованието, лош студентски стандард, непризнаени дипломи, безперспективност, немање на можности за вработување, немање на можност за купување на сопствена стан, дискриминација по политичка, верска, национална, полова, сексуална, социјална и друга основа, еднакви права за жените и мажите, загадена животна средина и недоволна спортска активност. 

Секција на млади на Сојузот на синдикатите на Македонија (СМССМ)

Во работата на секцијата се вклучени млади лица, членови на синдикатите здружени во ССМ, не постари од 35 години. Секцијата на млади при ССМ се ангажира младите да ги доближат сфаќањата за неопходноста од нивно синдикално организирање заради изразување на мислењата, потребите и позицијата на вработените млади. Таа дејствува во правец на намалување и елиминирање на препреките кои го кочат остварувањето на правата на младите при вработувањето и од работниот однос, како дел од вкупните човекови права, со што ќе влијае врз свеста, моралната цврстина и чувството на самодоверба на младите, за нивната вредност и важност во вкупниот општествен живот.

СДММ - Социјалдемократска младина на Македонија

Социјалдемократската младина на Македонија дејствува заради остварување на следниве политички начела и цели: целосно почитување на човекот, на неговото достоинство и на неговите основни права и слободи, развивање на плуралистичко, праведно и солидарно општество на социјална демократија, развивање на економска демократија и остварување на правата на работниците, остварување на социјална и национална еманципација на граѓаните, развивање на Македонија како суверена, демократска и правна држава, обезбедување на сите човекови права и слободи на Македонците во соседните земји и развивање на постојана духовна и културна комуникација со нив и со иселениците.

Обединета младина за Македонија

Обединета младина за Македонија (ОММ) е политички подмладок на политичката партија Обединети за Македонија која е создадена во 2009 година, со десна, конзервативна, прозападна идеологија. ОММ е асоцијативен член на Европските млади конзервативци, организација која ги обединува десните подмладоци во Европа. Активно се вклучува во разни иницијативи и проекти поврзани со младинското политичко учество во Република Северна Македонија.

Младинска организација на ДУИ

Идејата на Младинскиот форум на ДУИ е младите со различни идеологии и различни активности да се обединат, со единствена цел а тоа е погласно делување за работите поврзани со младите и дејствување и факториризирање на младите во нашата земја. Тие сметаат дека младите се генератор на промените и позитивните случувања и токму затоа се стремат да создадат подобра иднина за младите во оваа држава.

ЕКВАЛИС

Еквалис е организација која работи на вмрежување на граѓаните во платформи за социјален развој, креира едукативни платформи и овозможува простор за еднаков пристап до едукација за лица со диверзитетна позадина, активно работат во областа на развој и унапредување на човековите права, креирање на политики и креирање на услови за одржлив развој преку екомонска, социјална и политичка перспектива. Визијата на Еквалис е да изгради заедница каде граѓаните ќе бидат едуцирани, ќе ги преиспитуваат и менуваат социјалните процеси за индивидуално и општо добро.

ГРИТ

Визијата на Грит е создавање на здрава, едуцирана, проактивна, одржлива, зелена заедница предводена од млади ентузијасти. Мисијата на здружението е креирање на простор за младите да можат да се развиваат себеси и нивните заедници. Области во кои Грит делува се  промоција на младински активизам, информирање и активно граѓанско учество меѓу младите, информирање на младите за можностите за образование, волонтерство или работа во и надвор од земјата, помош при донесување на одлуки за понатамошна образовна или професионална надграба, поврзување и поддршка во развојот на младите особено оние кои доаѓаат од помалите градови или руралните места

Културно Ехо

Со осврт кон архитектурата и други уметности, па се до компјутерските и правните науки, мисијата на Културно Ехо е да ја промовираат корпоративната урбана и еколошка одговорност; повторно откривање, редефинирање и решавање на заедничките прашања преку конвенционални стратегии и нови перспективи за создавање на одржлив урбан, социјален, општествен и културолошки развој. Нивниот фокус во скоро време е заложба за реставрирање на фабриката КУПРОМ и нејзино претварање во студентски град.

Универзитетско студентско собрание -УКИМ

Универзитетското студентско собрание е тело на универзитетот во кое членуваат претставници на студентите. Универзитетското студентско собрание ги штити интересите на студентите, учествува преку свои претставници во одлучувањето во органите и телата на универзитетот и ги претставува студентите во рамките на високото образование како членови на академската заедница.

Здружение за значењето на еколошкото образование

ЗЕОООП Скопје овозможува едукација и проучување за важноста на образованието за животната средина во модернизација на образовниот процес, од гледна точка на социјалната екологија како посебна социологија која го проучува специфичен однос помеѓу човекот и неговата околина.

Здружение на Лекари Специјализанти - ЗЛС

Цели и задачи на ЗЛС:
1. Претставување на лекарите специјализанти и застапување на нивните интереси.
2. Да ги штити и унапредува правата и статусот на лекарите специјализанти, во прв план се залага за соодветна валоризација на трудот и остварување на правото на достоен личен доход.
3. Да земе активно учество во процесот на креирање здравствени политики во државата во однос на прашањата кои ги засегаат лекарите специјализанти
4. Да обезбедува правна помош за лекарите специјализанти
5. Да се залага за подобрување на условите за работа како предуслов за обезбедување на квалитетна здравствена услуга
6. Да се залага за подобрување на квалитетот на едукацијата и унапредување на стручното знаење на своето членство како предуслов за создавање квалитетни кадри согласно европските стандарди.
7. Да ја промовира, негува и развива лекарската етика, да поттикнува градење на подобри колегијални односи.