Да се биде дел од македонското семејство на младински организации значи да се биде дел од Национален младински совет на Македонија кој автентичниот глас на младите организирано и артикулирано го пренесува до креаторите на политики и носителите на одлуки. Да се биде дел од Национален младински совет на Македонија значи:

• Здружено делување за подобрување на стандардот на живеење на младите во Македонија;
• Јакнење на капацитетите на организациите членки;
• Поддршка во развојот на организациите членки преку ресурсите со кои располага Советот;
• Искористување на тренинг центарот на Советот.

Организацијата која аплицира за членство во НМСМ, потребно е да ја достави следната документација:

1. Пополнет образец – апликација за членство;
2. Статут;
3. Тековна состојба (не постара од шест месеци);
4. Организациска шема;
5. Годишни наративни и финансиски извештаи за последните две години;
6. Доказ за свикување на седница на Генерално собрание или друг највисок орган на управување;
7. Одлука за членување во НМСМ од тело овластено да ја донесе таа одлука согласно Статутот и внатрешните акти на подносителот;
8. Програма за работа според која организацијата ќе ги реализира своите активности во наредниот период, од најмалку шест месеци.

Документите испратете ги на [email protected].
По добивањето на апликацијата, истата ја разгледува Комисијата за членство, која поднесува извештај до Генералното собрание. Делeгатите гласаат со 2/3 мнозинство за пристапувањето на организацијата.